Уделот на електричната енергија од обновливи извори во ЕУ достигна 47 отсто во 2024 година.
Уделот на електричната енергија од обновливи извори во Европската унија лани достигна 47,4 отсто, што е за 2,6 отсто повеќе во однос на 2023 година, објави вчера Евростат.
Меѓу земјите на Европската унија , Данска имаше најголем удел на обновливи извори во своето нето производство на електрична енергија со 88,8 отсто, главно од ветер .
На второ место е Португалија со учество од 87,4 отсто, која главно користела енергија од ветер и хидроенергија , додека на трето место е Хрватска со 73,8 отсто.
Најмал удел на обновливите извори на енергија во производството на електрична енергија има во Малта , 15,1 отсто, Чешка 17,5 отсто и Кипар со 24,1 отсто.
Повеќе од две третини од вкупната електрична енергија произведена од обновливи извори во ЕУ доаѓа од ветерна енергија (39,1 отсто) и хидроенергија (29,9 отсто), се додава во извештајот.
Преостанатата една третина од електричната енергија доаѓа од сончева енергија 22,4 отсто, запаливи горива 8,1 отсто и само околу 0,5 отсто од геотермална енергија, според веб-страницата на Евростат.