Полицијата во Тајланд уапси жена осомничена дека ги убила своите 12 пријатели и познаници труејќи ги со цијанид.
Сарарат Рангсивутапорн била уапсена во вторникот во Бангкок по неодамнешната спроведена истрага за смртта на нејзините пријатели и познаници. Семејството на една од жртвите се сомневало дека таа е виновна за масакарот.
По истрагата, полицијата соопшти за тамошните медиуми дека верува дека таа убила уште 11 лица, меѓу кои и нејзиното поранешно момче. Убиствата наводно ги извршила од финансиски причини. Сарарат ги отфрлила сите обвиненија, а тајландските власти одбиле да ја ослободат со кауција.
Пред две недели, таа отпатувала со пријателка во провинцијата Рачабури западно од Бангкок, каде што учествувале во будистички ритуал на реката. Не долго потоа, пријателот на Сирипорн Канвонг колабирал и починал на брегот на реката.
На обдукцијата во нејзиното тело биле пронајдени траги од цијанид. Кога била пронајдена, телефонот, парите и чантата ги немало. На сличен начин починале и другите жртви, а убиствата започнале во 2020 година, пишува BBC.
Не се идентификувани сите жртви, но засега се знае дека меѓу нив е и поранешното момче на девојката, како и две полицајки.
Полицијата соопшти дека Сарарат ги познавала сите жртви, а мотивот можеби биле финансиски причини.
Еден пријател, за кој полицијата верува дека исто така бил мета, и позајмил 250.000 бати (7.300 долари). По ручекот со Сарарат, пријателот и се онесвестил, но сепак преживеал.
За исчезнување на накит и пари пријавиле и роднините на жртвите.
Во трупот може да се најдат траги од цијанид неколку месеци по смртта. Овој отров ги лишува клетките од кислород, што може да доведе до срцев удар, а раните симптоми се вртоглавица, отежнато дишење и повраќање.
Употребата на цијанид е строго регулирана во Тајланд, а на оние кои го користеле неовластено им се заканува казна затвор до две години.