На социјалните мрежи се појави соопштение во кое се наведува ситуацијата во која се нашла жена од Балканот, која освен што се пријавила во австрискиот Завод за вработување, решила да заработи екстра пари правејќи слатки и на тој начин успеала да заработи дури 72.000 евра.
Во Австрија била во АМЅ, односно во нивната канцеларија за вработување, а од колачи дополнително заработила околу 72.000 евра. Преку социјалните мрежи нудела домашни слатки, за кои финансиската полиција дознала, најверојатно преку пријава на познаник или пријател.
Проблемот настанал кога виделе дека жената е пријавена во Заводот за вработување во Австрија, за што добивала надомест.
– На социјалните мрежи често можете да најдете објави како „Правам домашни пити, колачи, колачиња…“, но ако немате регистриран занает – не правете го тоа – се вели во објавата.
Во коментарите имаше поделени мислења на оваа тема, а дел од нив се следните:
„Јас би ги пријавил сите такви. Што сме ние што отворавме фирми и плаќаме даноци и придонеси – идиоти?“, „Подобро да пријави и чесно да заработи 72.000 евра“, „Чиста глупост, тоа е од хоби и никој нема право да те ограничува.“ , „АМС 1.300 евра плус 2.000 торти, така да добиеш пензија“, „Зошто другите да плаќаат, а таа не“, заклучуваат следбениците.