Славната Шерон Стоун (67) повторно го привлече вниманието на обожавателите и медиумите кога се појави во септемвриското издание на шпанскиот „Harper’s Bazaar“.
На новите фотографии, кои многумина ги потсетија на култниот трилер „Ниски страсти“ од 1992 година, актерката покажа дека годините не ја намалиле нејзината неодолива харизма и совршена фигура.
На една од фотографиите, Шерон Стоун позира во фустан со страничен исечок и без гаќички. Сликата ја нагласува нејзината беспрекорна фигура и неспоредлива убавина.
Шерон е позната по својата поддршка на природната убавина. Таа одамна се збогува со ботоксот откако третманот предизвика несакани резултати.
Актерката, која годинава ќе глуми во филмот „Никој 2“, е во актерскиот свет веќе 45 години. Во текот на 1990-тите, таа беше неоспорна глобална ѕвезда и секс симбол. Иако поминаа повеќе од три децении од нејзиниот врв, нејзината популарност не се намали, иако често зборуваше за дискриминацијата врз основа на возраст во Холивуд.
Иконската улога на Кетрин Трамел во „Ниски страсти“ ѝ донесе светски успех, а сцената во полициската станица, во која се појавува без долна облека, остана легендарна.
Неодамна се шпекулираше за можен трет дел од филмот, но Шерон јасно стави до знаење дека нема да учествува.
– Ако оди како и другиот дел во кој играв, не гледам причина да го правам тоа. Среќно на сите, но јас нема да го правам тоа – рече актерката.
Шерон Стоун сè уште се смета за симбол на стил, убавина и харизма, а новите фотографии во „Харперс Базар“ се доказ дека возраста не може да го изгасне нејзиниот сјаен шарм.