На социјалните мрежи како молња се шири снимката на која Абазовиќ игра со млада невеста.
На видеото се гледа како останатите гости играат во круг додека невестата и Абазовиќ се забавуваат. Се зборува дека Абазовиќ бил и кум на таа свадба.
Засега не се знае од каде излезе видеото, но коментарите на социјалните мрежи само се зголемуваат.
– Само нека биде весело и да нема омраза – пишува еден корисник. – Најсилниот во Црна Гора, но и пошироко! Брат Абаз – напиша друг корисник.
Но, песната на која игра Абазовиќ многумина ја оспоруваат бидејќи се работи за „Шота“, која според интерпретацијата на поединци зборува за албанскиот злостор врз Србите на Косово и Метохија по Втората светска војна.
– Итна забрана за влез во Србија поради свирење и играње на фашистичко-балистичка песна – вели еден корисник.
– Ако ова е музиката од песната „Шота“, тогаш сите вие што го поддржавте немате поим што значи таа песна – додава еден корисник.
– Креатор на оригиналната песна е Шота Галица, албанска одметница, која по балканските војни рамо до рамо со својот сопруг се борела против југословенските власти на Косово. Кога Србите конечно успеале да го задушат востанието и да го убијат неговиот водач Азем Галица, таа полудела и за да се одмазди, киднапирала шест српски деца и живи ги запалила. Додека гореле, таа играла и пеела „Шоте мори шоте“ – објаснува еден корисник.
– Може ли да се случи нешто а да не се вклучи историјата што не е и никогаш нема да биде факт. Човекот е кум на свадбата. Патем, добро ја игра ,,Шота” – му одговорил еден корисник.
„Шота“ инаку е многу популарна низ поранешна Југославија и е традиционално оро на албанското население од Косово и Метохија како и на сите Албанци. Оралната традиција на косовските Срби според која Шота Галица од одмазда по смртта на нејзиниот сопруг, фрлила во оган шест српски деца додека пеела песна, сепак, нема основа во историјата.