Не избегнувајте салати подготвени со лук, бидејќи лимонадата и зелениот чај го измиваат непријатниот здив, како и свежите листови нане и магдонос…
Ако сте од оние кои сакаат да јадат млад лук , но се плашат дека општеството ќе ве избегнува потоа, опуштете се! Запомнете ги триковите за неутрализирање на мирисот и уживајте во грицкањето лук и салати со овој здрав зеленчук.
Овие освежителни намирници со својата арома добро влијаат на лошиот здив.
Листови од нане
Свежото нане има силен мирис, но не е непријатно ако џвакате неколку листови после ручекот. Има и други добри ефекти – ја смирува нервозата на желудникот и го подобрува варењето.
Зелен чај
При отстранување на лошиот здив од устата, зелениот чај исто така ќе помогне. Го мие маслото од лукот што останува на јазикот или забите, а ако не сте љубител на зелениот чај земете го нането.
Лимонада
Свеж лимон исцеден во вода без додаден шеќер е одличен за отстранување на мирисот на лукот. Ако имате при рака неисцеден лимон, пожелно е да изрендате кора од лимон во лимонадата, па ефектот ќе биде подобар.
Магдонос
Зелените листови од магдонос имаат силна и свежа арома, а нивната интензивна зелена боја, која укажува на изобилство на хлорофил, е најдобриот природен борец против лошиот здив. Има и антибактериски својства.
Јаболка
Јаболката се најдобри пријатели на здравјето на усната шуплина бидејќи ги чистат забите и го освежуваат здивот. Експертите тврдат дека сите намирници кои имаат висока содржина на влакна добро делуваат против непријатниот мирис.
Четки во рака
Покрај наведените намирници, за да го отстраните мирисот на лук, задолжително измијте ги забите, исчистете со конец и исплакнете ја устата со специјална вода. На овој начин ќе бидете сигурни дека од кромидот останува само неговото позитивно влијание врз здравјето, додека се елиминира единствениот негативен несакан ефект – непријатниот мирис.