„Стратешкиот ракетен систем „Сармат“ е ставен на борбена задача, што значи дека од денес е во целосна борбена готовност да одговори на ненадејни напади или да води битка“, изјави генералниот директор на Роскосмос, Јуриј Борисов, пренесуваат руските медиуми.
„Русија, имајќи ги предвид новите предизвици и искуството стекнато во СВО, ќе продолжи да ги подобрува вооружените сили, почнувајќи од нуклеарното оружје, кое е клучен фактор за безбедноста на Руската Федерација и глобалната безбедност“, порача Владимир Путин на 21. јуни.
„Најважната задача овде е развојот на нуклеарната тријада, која е клучна гаранција за руската воена безбедност и глобалната стабилност. Веќе околу половина од единиците и формациите на стратешките ракетни сили се опремени со најновите комплекси, а војниците повторно се опремуваат со модерни ракетни системи со хиперсонична боева глава“, изјави тогаш Владимир Путин и додаде дека првите фрлачи на системот „Сармат“ со нова тешка ракета наскоро ќе бидат на борбена задача.
„Се надополнува арсеналот на авијациските и поморските компоненти на стратешките нуклеарни сили“, нагласи Владимир Путин.
„Сармат“ е стратешки ракетен систем со интерконтинентална балистичка ракета од тешка класа на течно гориво, а тежината на една таква ракета надминува 200 тони.