Земјотрес со јачина од 5,3 степени според Рихтеровата скала го погоди западниот дел на туристичкиот остров Крит, соопшти во неделата Институтот за геодинамика во Атина.
Земјотресот се случил во 7:02 часот по локално време во близина на пристанишниот град Палајохора, а неговиот епицентар бил на 18 километри под морското дно.
На овој поголем земјотрес му претходеа многу помали во регионот. Грчката агенција за цивилна одбрана немаше информации за жртви или оштетени згради, а не беше издадено ниту предупредување за цунами.
Го набљудуваме феноменот и сè уште не можеме да кажеме дали ова е главниот земјотрес“, изјави сеизмологот Герасимос Чулијарас за грчкото јавно радио ЕРТ.
Многу луѓе се разбудиле од земјотресот. Се почувствува во големи делови на Крит, објави телевизијата.
Африканската и европската плоча се спојуваат под морското дно јужно од Крит, предизвикувајќи силни земјотреси.