Бил Гејтс со години патувал во економска класа. Не затоа што не можел да си дозволи прва класа, туку затоа што мислел дека нема голема вредност и разлика.
Според него, тоа е пет-шест пати поскапо, но само маргинално подобро – патниците пристигнуваат на посакуваната дестинација во исто време.
Слично размислува и ко-основачот на стриминг платформата Netflix (Нетфликс), Марк Рендолф, кој во моментов може да купи многу скап автомобил, но не сака.
„Никогаш не сум бил ентузијаст за автомобили. И не ми треба ‘Lamborghini‘ или ‘Maserati‘ што не можам ни да го напишам без проверка на правописот“, признава тој.
Според него, неговиот автомобил „Volvo“ доста добро ја врши работата.
„Исто така, не треба да трошам 1.000 долари на шише вино за вечера, знаејќи дека исто толку ќе уживам во шише од 35 долари. Па, за што е богатството на крајот ? Освен што обезбедува безбедност, обезбедува и флексибилност“, додаде Марк Рендолф.
По сите негови искуства со основањето на Netflix и инвестирањето во многу големи компании, најважното нешто што го научи за парите е дека, кога имате доволно од нив, можете да изберете да имате помалку од нив во замена за изборот како ќе го поминеш времето.
„А да трошите време правејќи нешто што ви е значајно вреди многу повеќе од Maserati“, заклучил тој за Entrepreneur.