Кучињата не реагираат исто на сите луѓе, некои скокаат од среќа, додека други лаат или покажуваат непријатност. Експертите објаснуваат дека зад тоа стои комбинација од талент, инстинкт и искуство.
Нивното високо развиено чувство за мирис им овозможува да препознаваат мириси што луѓето не ги препознаваат – парфеми, мирис на други животни или хемикалии што можат да предизвикаат несигурност или одбранбена реакција. Исто така, начинот на кој некој се движи или го гледа кучето може да го вознемири, особено ако движењата се ненадејни или погледот е продорен.
Ако кучето претходно имало лошо искуство со лице со сличен изглед или глас, може инстинктивно да реагира со лаење. А кога ќе процени дека некој е закана за сопственикот, се активира неговиот заштитнички инстинкт.
Кучињата лаат на одредени луѓе од причини што ние често не ги забележуваме, но кои им се логични. Разбирањето на овие сигнали им помага на сопствениците подобро да ги запознаат и смират своите миленици.