Ако имате навика да прескокнувате оброци, на вашето тело му недостасуваат есенцијални хранливи материи неопходни за негово правилно функционирање. Ова може да доведе до различни негативни последици, и физички и психолошки.
„Редовното прескокнување на оброците може да доведе до флуктуирачки нивоа на енергија, намалена концентрација и нарушен метаболизам“, вели меѓу другото лекарот Анастасиос Микроулис за списанието Best Life.
Нутриционистката Џен Блајвеис додаде дека некои од последиците од прескокнувањето на оброците се „магла во мозокот“, замор, глад, раздразливост и хормонална дисрегулација.
“Кога телото чувствува глад, тоа го зајакнува нашиот природен инстинкт да бара храна. Луѓето се однесуваат така од самиот почеток. Некои луѓе тврдат дека имаат подобар фокус кога не јадат долго време. Сепак, тоа е прашање на зголемена работа на хормоните и се чини дека имате повеќе енергија“, рече таа.
Не е гарантирано дека прескокнувањето оброци ќе ви помогне да изгубите тежина. Ова во никој случај не е здрав начин за слабеење.
„Неправилната исхрана може да го наруши вашиот метаболизам и да го отежне одржувањето на здрава тежина. Без соодветен внес на хранливи материи, телото може да почне да го „разградува“ мускулното ткиво за да ги задоволи неговите потреби за енергија, што негативно влијае на вашата мускулна маса и сила“, вели тој.