Доколку имате проблеми со спиењето, валеријаната е одлично природно решение.
Валеријаната е растение кое има добро седативно дејство и со кое можете да ги ублажите несоницата, стравот и нервозата. Исто така ја ублажува напнатоста, а освен што ви помага да ја пребродите ноќта, одлично е и за смирување во текот на денот.
Неговите корисни својства се познати уште од античко време, кога се користел и за ублажување на стресот, за полесен сон, за ублажување на замор и за смирување на главоболките. Покрај сето горенаведено, валеријаната е одлична и за стомачни заболувања, ги ублажува напнатоста, тагата и стравовите.
Растението благотворно делува на намалување на крвниот притисок, го регулира отчукувањата на срцето, ги намалува менструалните болки и може да послужи како природна замена за лекови од класата на бензодиазепини, а помага и при повлекување од нив.
Луѓето кои користеле валеријана полесно заспивале, поретко се буделе и се чувствувале опуштено, освежено и одморено по будењето.
Валеријаната содржи различни материи, есенцијално масло и киселини, со чија употреба се постигнува внатрешна рамнотежа. Често е дел од составот на многу лекови за релаксација, а може да се добие во различни форми.
Некои велат дека има дури и афродизијачка моќ .
Сепак, иако е безбеден за повеќето, може да се појават некои несакани ефекти како главоболка, стомачни болки, но и иронично, несоница, па затоа треба да го земате во помали количини за да проверите како тоа влијае на вас.
Не се препорачува за трудници или доилки, бидејќи не треба да се зема истовремено со фармацевтски седативи. Треба внимателно да се дозира и употреби. Резултатите се видливи дури по неколку недели, а за несоница се препорачува да се користи неколку часа пред спиење.