Она што го јадеме пред и после тренинг има големо влијание врз тоа како ќе бидат резултатите од вежбите, вели кондициониот тренер Хуан Карлос Симо.
Смета дека повеќето вежбачи грешат бидејќи со лошите навики во исхраната ја намалуваат корисноста на вежбите во фигурата и формата, поради што ја губат мотивацијата и престануваат да вежбаат, пишува „Фокс њуз“.
Секогаш кога можете, пред индустриски преработената и готовата храна, изберете органска храна, јадења, риба, млечни производи и квалитетно месо, додека телото ќе ви биде благодарно за тоа“, вели Симо
За тренинг
Пожелно е да се јаде час и половина до час пред тренинг. Но, треба да внимавате во количината за да не го попречува варењето на храната и да не предизвика непријатност при тренинг. Идеалната порција е околу 15 dkg, додека покрај храната важна е и хидратацијата. Ако планирате тренинзи за сила, добро е да вклучите кофеин, бадеми или авокадо, бидејќи овие видови на храна го стимулираат ослободувањето на допамин.
Допаминот е поврзан со мотивација, енергија, контрола на мускулите и функција. Јадењето риба или говедско месо е најдобрата комбинација бидејќи тие позитивно влијаат на нервниот систем. „Избегнувајте јаглехидрати и шеќери. Затоа што го зголемуваат нивото на серотонин наместо допамин, поради што тренингот е помалку ефикасен“, вели Симо.
Добро е да се напиете шолја зелен чај или да јадете планинско овошје пред тренинг. Ако имате за цел да ја зголемите мускулната маса, тогаш исхраната треба да се базира на протеини како пилешко и протеини во комбинација со иста количина на јаглехидрати како ориз или компир.
После тренинг
После секаков вид вежбање, исхраната треба да вклучува и јаглени хидрати и протеини за зајакнување на коските и зголемување на мускулната маса. Течниот додаток како протеинот од сурутка, кој се препорачува на бодибилдерите, треба да содржи 1 грам протеин на секои 4 грама јаглени хидрати и треба да се јаде веднаш по тренингот.
Додавањето на зелениот дел, како спанаќ, зелена зелка, краставица, целер, друг зелен зеленчук помагаат во закрепнувањето на мускулите. Тие го зголемуваат нивото на алкално ниво кое го сака нашето тело за повеќе од 50 проценти, па затоа се подобро решение од чист протеински шејк.
По еден час, треба да следи следниот оброк, кој содржи протеини и сложени јаглехидрати во вистинската пропорција. Добро решение е овесна каша и белка од јајце, пилешко со компири или туна и тестенини.
Сакате да изгубите тежина
Ако целта на вашите вежби е слабеење, Симо препорачува да тренирате веднаш наутро, на празен стомак. Така телото е принудено да ги користи сопствените резерви и да го зголеми трошењето на мастите.
По тренингот, најдобро е да се јаде целосен оброк, по можност ужина, околу еден час по вежбањето.