Поранешниот американски претседател Доналд Трамп изјави дека неамериканските граѓани треба автоматски да добијат „зелена карта“ во случај на дипломирање на некој од колеџите во САД, одговарајќи на изборното ветување на демократот, поточно актуелниот американски претседател, Џо Бајден, кој изјави дека илегалните имигранти во брак со американски државјани мора да добијат американско државјанство.
„Она што сакам да го правам и што ќе го правам е ако дипломирате на кој било американски колеџ, мислам дека автоматски треба да добиете зелена карта за да останете во оваа земја, како дел од вашата диплома додаде дека „ова ги вклучува и колеџите од пониско ниво“.
Трамп даде слични коментари за време на кампањата во 2016 година, само за да ја ограничи легалната имиграција додека беше на функцијата, пишува nbcnews.
„Можете ли да ветите дека ќе ни дадете повеќе можности да ги донесеме најдобрите и најпаметните во светот во Америка? праша еден водител, што го поттикна одговорот на 78-годишниот.
Во изјавата во петокот наутро, прес-секретарот на кампањата на Трамп, Каролин Левит, рече дека предлогот на поранешниот претседател ќе се однесува на „високо квалификувани дипломци“ кои се „темелно проверени“.
„Претседателот Трамп го претстави најагресивниот процес на проверка во историјата на САД за да ги исклучи сите комунисти, радикални исламисти, поддржувачи на Хамас и мразители на Америка. Тој верува дека само откако ќе се случи таквата проверка, треба да ги задржиме најспособните дипломци кои можат да дадат значителен придонес за Америка. Ова би се однесувало само на проверени дипломирани студенти кои никогаш нема да ги намалат платите или да ги дискриминираат американските работници“, тврди таа.
Трамп ги повтори неоснованите тврдења дека имигрантите кои ја преминуваат јужната граница во САД доаѓаат од затвори, институции и лудници. Тој, исто така, без докази тврдеше дека „имаме терористи кои влегуваат во нашата земја на ниво на кое досега не сме виделе“.
Во спротивно, Џо Бајден ќе им го отвори патот на 500.000 илегални имигранти во брак со американски државјани да добијат американско државјанство.