Излегол од автомобилот со ќерката и се предал, полицијата во Хамбург соопштува дека пред 2 часа е завршена заложничката криза на аеродромот

Полицијата во Хамбург во Германија соопшти дека завршила „заложничката криза“ на аеродромот во овој германски град, откако 35-годишниот маж од синоќа во својот автомобил како заложник ја држел својата 4-годишна ќерка.

„Осомничениот излегол од автомобилот со девојката. Тој не дал отпор при апсењето. Се чини дека девојчето немало никакви повреди“, изјавила портпаролката на германската полиција Сандра Левгрин, пренесува Телеграфи.

Заложничката криза започна синоќа околу 20 часот и 24 минути, кога маж со автомобил „ауди“ влегол на пистата во близина на авионот, неколку пати пукал со пиштол во воздух и фрлил два молотови коктели, при што ќерката цело време ја држела внатре во автомобилот. .

Полицијата успеала да стапи во контакт со осомничениот некаде по 23 часот. Весникот Хамбургер Морген Пост објави дека преговарачите по барање на киднаперот преговарале на турски јазик со помош на преведувач, а други медиуми објавија дека овој татко сакал да ја напушти земјата со девојчето.

Полициските хеликоптери цело време го надлетувале аеродромот и внимателно ја набљудувале ситуацијата, додека киднаперот во еден момент го придвижил автомобилот неколку метри. Дури се сомнева дека мажот имал експлозив со себе.

BREAKING: Hamburg police say the hostage situation at Hamburg Airport is now over, after the suspect was arrested without resistance

Read more: https://t.co/fNmZDYwAsm

📺 Sky 501, Virgin 602, Freeview 233 and YouTube pic.twitter.com/c7B3NKe8Xa

— Sky News (@SkyNews) November 5, 2023