Палестинската организација Хамас објави видео од жестока пресметка со израелските сили кои влегоа во Појасот Газа.
Тајмс оф Израел пишува дека битката се случила во неделата.
На почетокот на клипот, за кој лицето што го објави рече дека покажува муџахедини од бригадите Ал Касам, се гледаат снимки од дрон како шпионираат израелски војници и тенкови на територијата на палестинската енклава, собрани западно од граничниот премин Ерез.
После тоа, снимката е пресечена и сега доаѓа од камера поставена на униформата на еден од оперативците на Хамас.
Голем број вооружени борци на Хамас може да се забележат како излегуваат од тунелот и полека лазат кон областа каде што се наоѓаат израелските сили.
Членовите на Хамас потоа отворија оган врз војниците на израелските одбранбени сили (ИДФ) и следува битка со автоматско оружје.
„Тајмс оф Израел“ пишува дека во последниве денови имало бројни битки во Појасот Газа, бидејќи ИДФ ги проширила копнените операции.
Се известува дека ИДФ досега го потврдила ранувањето на двајца израелски војници, а објави и дека се убиени десетици милитанти на Хамас.