– Петмина Палестинци се убиени денес во израелските воздушни напади низ Појасот Газа, истакнаа медицински извори.
Медицински извори од градот Газа за Анадолу изјавија дека две лица се убиени, а неколкумина се повредени кога израелските воени авиони нападнале шатори каде што се засолнети раселените семејства во областа Ал-Макуси, северозападниот дел на градот.
Во населбата Шеик Радван, двајца браќа се убиени откако израелските сили ја нападнале нивната семејна куќа, истакнаа изворите.
Очевидци рекоа дека израелските сили детонирале четири стапици-бомби и уништиле повеќе домови во населбата Зејтун во градот Газа.
Во последните денови, голем број Палестинци избегаа од североисточниот дел на градот Газа кон запад под силно израелско бомбардирање, откако Тел Авив во петокот го прогласи градот, дом на околу еден милион луѓе, за „опасна борбена зона“.
Во централна Газа, медицински извор од болницата Ал-Акса изјави дека еден Палестинец е убиен, а повеќемина се повредени по израелски напад врз Деир ал-Балах.
Израел уби речиси 63.400 Палестинци во Газа од октомври 2023 година. Воената кампања ја опустоши енклавата, која се соочува со глад.
Минатиот ноември, Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.
Израел се соочува и со случај за геноцид пред Меѓународниот суд на правдата за своите воени дејства во енклавата.