Откриено е името на детето кое Ешли Сент Клер го доби со Илон Маск претходно оваа година.
Според новиот извештај на Wall Street Journal, синот на 26-годишната инфлуенсерка, порано позната како RSC, сега се вика Ромулус. Написот ги откри и резултатите од тестот за татковство на Маск во случајот. Според извештајот на Labcorp, „веројатноста за татковство“ на Маск била 99,9999%.
Ова е првата сопруга на милијардерот Илон Маск.
Портпаролот на Сент Клер потврди за People дека тестот за татковство покажал дека постои речиси 100% веројатност за татковство, како и името на бебето.
Во февруари 2025 година, Сент Клер објави изјава за X (Твитер), откривајќи дека таа и Маск добиле дете заедно во септември 2024 година. Маск е исто така татко на 13 други деца, кои ги дели со уште три жени.
Тие се запознале на едно интервју
Во интервју за Пост минатиот месец, Сент Клер рече дека нејзината наводна романса со Маск започнала откако го интервјуирала во 2023 година за Babylon Bee, конзервативна сатирична веб-страница каде што работела во тоа време.
Меѓутоа, откако останала бремена, таа тврди дека и било кажано да го чува тоа во тајност и дека се чувствувала „целосно изолирана“ за време на бременоста.
Откако таа јавно се огласи како мајка на детето на Маск, некои поддржувачи на Доналд Трамп почнаа да се сомневаат во нејзината посветеност на конзервативните вредности, а некои ја обвинија дека се пофали со нејзината врска со технолошкиот магнат.
Многу корисници на социјалните мрежи ја критикуваа Сент Клер, тврдејќи дека таа само се обидувала да извлече пари од Маск.
„Спонзор и професионален манипулатор“, напиша десничарската активистка и поддржувач на Трамп, Лаура Лумер на X.