Американскиот милијардер Илон Маск, сопственик на SpaceX и Twitter, се обрати до истражувачите за вештачка интелигенција за да создадат нова лабораторија за да му се спротивстави на ChatGPT, „четботот“ со вештачка интелигенција развиен од OpenAI.
Маск го ангажира истражувачот Игор Бабушкин, кој неодамна ја напушти единицата за вештачка интелигенција DeepMind на Alphabet, за да изгради тим кој може да се натпреварува со ChatGPT, објави Yahoo News.
Се вели дека Маск и Бабушкин разговарале за формирање тим кој ќе продолжи со нивното истражување за вештачката интелигенција, но проектот се уште е во рана фаза и засега не се откриени конкретни планови за развој на конкретен производ.
Се известува дека Бабушкин се уште официјално не ја потпишал новата иницијатива на Маск.
Маск, кој е ко-основач на ChatGPT, чет-бот базиран на текст развиен од OpenAI кој може да пишува текст, поезија, па дури и компјутерски код по команда, се повлече од одборот во 2018 година.
На 3 декември 2022 година, Маск напиша на Твитер: „ChatGPT е навистина добар. Не сме далеку од вештачката интелигенција која може да се смета за опасна“.