Блискиот сојузник на претседателот Владимир Путин, Николај Патрушев, предупреди дека Русија има оружје што може да го уништи секој непријател, вклучително и САД, во случај да биде загрозен нејзиниот опстанок, и го обвини Вашингтон дека ја потценува нуклеарната моќ на Москва.
Овие зборови на влијателниот секретар на рускиот Совет за безбедност се последни во низата слични изјави на високи руски функционери и ги подгреваат стравовите од нуклеарна пресметка меѓу двете најголеми нуклеарни сили во светот, за која Москва упорно повторува дека сака да се избегне тоа.
„Американските политичари, заслепени од сопствената пропаганда, сè уште се убедени дека во случај на директен конфликт со Русија, САД се способни да извршат превентивен ракетен напад, на кој Русија повеќе нема да може да одговори. Ова е ограничена и многу опасна глупост“, кажа Патрушев во понеделникот во интервју за државните медиуми.
„Русија е трпелива и не заплашува никого со својата воена супериорност, но има модерно оружје што може да го уништи секој противник, вклучително и САД во случај на директни закани“, тврди тој.
Русите рекоа дека една од причините зошто испратија десетици илјади војници во Украина минатиот февруари како дел од, како што ја нарекуваат „специјална воена операција“ е да се спротивстават на можната безбедносна закана што произлегува од приближувањето на Киев кон НАТО, сојуз главно предводен од САД.
Оттогаш, Москва ги обвинува западните земји, без да обезбеди јавни докази, за нуклеарни закани против неа, и ја нагласува својата подготвеност да користи нуклеарно оружје во екстремни околности, односно во случај да биде загрозена руската држава.
Во саботата, претседателот Владимир Путин објави дека Русија има намера да ги стационира своите тактички нуклеарни ракети во Белорусија, нејзиниот близок сојузник, кој граничи со Украина и Русија, со што испрати предупредување до НАТО за воена поддршка на Киев.