Младенците Теа Таировиќ и Иван Вардаја на бурмите изгравираа крст кој е симбол на љубов и верност.
На денешен ден, 24 април, популарната пејачка Теа Таировиќ го кажа судбоносното „да“ на својот избраник Иван на интимна церемонија во Нови Сад.
Венчавката била организирана во тајност, на прекрасна локација покрај брегот на Дунав, поточно на идиличниот Рибарски остров.
Младенците за оваа бајковита веселба потрошија десетици илјади евра, а секој детаљ беше внимателно осмислен за денот на венчавката да биде навистина посебен.
Неодамна Теа и Иван беа видени во златарница, каде заедно избраа бурми. Тие избраа идентични прстени со врежан крст, симбол на нивната верност, љубов и меѓусебно почитување, пренесува Телеграф.