Иран упати нова закана до Соединетите Американски Држави, додека претседателот Доналд Трамп ја разгледува можноста за американско вклучување во конфликтот на Блискиот Исток.
Заменик-министерот за надворешни работи, Казем Гарибабади, изјави дека ако САД сакаат да интервенираат за да го поддржат Израел, „Техеран ќе им одржи лекција на агресорите“.
Неговите зборови беа пренесени од државните медиуми.
Гарибабади додаде дека Иран им советува на САД да не се мешаат и нагласи дека Иран никогаш немал намера да го прошири конфликтот.
Тој исто така рече дека „сите можни опции се на маса“.
Техеран постојано испраќаше заканувачки пораки во врска со можна американска вмешаност во конфликтите.
Да потсетиме, според медиумите, американскиот претседател Доналд Трамп им рекол на одбранбените претставници дека би имало смисла САД да извршат напади врз Иран, но само ако таканаречената бомба „разбивач на бункери“ гарантирано ќе го уништи клучниот објект за збогатување ураниум во Фордоу .
Како што пишува „Гардијан“ , на Трамп му било кажано дека фрлањето на бомбите GBU-57 , кои тежат 13,6 тони, ефикасно ќе го елиминира Фордо, но тој, според изворите, сè уште не е целосно убеден и засега не ги одобрил нападите , бидејќи чека да види дали заканата од американско вклучување би можела да го принуди Иран да преговара.