„Октал Фарм“ ДООЕЛ и „Медика“ дд , дистрибутери на лекот Буронил 25 мг – Филмтаблетен (мелперон), во соработка со Агенцијата за лекови и медицински производи ( ХАЛМЕД ), ги повлекуваат од продажба сериите на овој лек 747284 (пакување од 100 таблети) и серијата 747283 (пакување од 50 таблети), соопшти ХАЛМЕД.
Повлекувањето се спроведува поради присуство на туѓи честички во правот , објавува Večernji.hr .
Тоа е антипсихотик кој се користи за третман на нарушувања на спиењето и некои психијатриски состојби, како што се анксиозност, шизофренија, но исто така и како помош во третманот на алкохолизам.
На пазарот во Република Хрватска, достапни се и други серии на лекови кои не се засегнати од горенаведениот дефект, а лекови од други производители може да се добијат со вонреден внес, па затоа повлекувањето на горенаведената серија на лекот не го загрозува редовното снабдување на пазарот. Пациентите треба да се обратат кај својот лекар доколку имаат какви било прашања во врска со тековната терапија .