На децата им треба структура и рутина во секојдневниот живот, а тоа вклучува редовни оброци, редовно време за спиење за да се избегне замор, време за игра и почитување на семејните правила.Психотерапевтот Минди Ламперт објаснува: „Кога им дозволувате на децата да ги споделат своите мисли и чувства, им давате можност да ги потврдат тие чувства. Додека возрасните можат да прават заклучоци од говорот на телото и други знаци, на децата им требаат конкретни одговори“.
Контролирањето на гневот кај децата зависи од нивната возраст. Децата од предучилишна возраст штотуку почнуваат да ја развиваат способноста за регулирање на емоциите, како што е способноста за препознавање, разбирање и изразување чувства. Ако се работи за ученици или тинејџери, во тој случај задача на родителите е да им помогнат на децата да научат да регулираат, применуваат, именуваат, разбираат и изразуваат емоции.
Ако забележите дека децата имаат здрава рутина и правила, но сепак имаат проблеми со регулирање на нивните емоции, важно е да вклучите стручна помош. Ако нивните „изливи на гнев“ се премногу чести и интензивни или ако се повлечени и депресивни, важно е да се вклучи терапевт специјализиран за работа со деца.
Со трпение и посветеност може да им се помогне на децата адекватно да се справат со гневот, кој е клучен за нивниот емоционален развој.