Турски војник во саботата бил однесен со багер на балконот на вториот кат од оштетена куќа во Антакија за да се обиде да најде мобилен телефон на 75-годишна жена која се плашела дека нејзиниот син е мртов по пет дена без контакт.
Жената побарала од хуманитарните работници да и’ го најдат телефонот за да може да му се јави на синот додека чекала во блискиот парк каде што биле поставени шатори за оние кои останале без покрив над главата.
Муратан Адил, војник од специјалните сили кој дошол во јужниот град од Анкара за да помогне во спасувањето, бил издигнат на балконот, а друг спасувач одвнатре му предал торба со предметите на жената, во која имало и мобилен телефон.
Иако на крајот сама не можела да се јави бидејќи мобилниот бил празен, на него се јавило друго лице кое го слушнало неговото име, но се испоставило дека синот на жената бил жив и здрав кога се јавил на телефонот.
„Како да ми го дадовте целиот свет – рекла жена која се претставила како мајка на Бусра во моментот кога го слушнала гласот на нејзиниот син.