Апсењето на сопственикот на Телеграм, Павел Дуров е една од вестите кои дефинитивно ја разбрануваа и француската и светската јавност, а францускиот весник Либерасион ги откри деталите од целиот лов на Дуров.
Една од првите работи што ги направи Павел Дуров кога беше уапсен на 24 август беше да и каже на полицијата дека одлетал во Франција за да се сретне со претседателот Емануел Макрон.
„Неимпресионирани, полицајците го придружуваа до канцелариите на бригадата за борба против измами во париското предградие Иври-сур-Сен. тајкун кој е косопственик на весникот Le Monde“, се вели во него.
Но, ниту тоа не му помогна, а Дуров следните четири дена ги помина во притвор одговарајќи на прашањата на истражителите.
Магазинот „Политико“ го контактирал Нил, кој потврдил дека со Дуров се познава одамна. Од друга страна, од кабинетот на Макрон изјавија дека не знаеле за неговото доаѓање во Франција.
Кога станува збор за причините за апсењето, истрагата дојде од полициската филијала попозната како ОФМИН, единицата задолжена за истрага на злоупотреба на деца.
Истрагата е покрената поради информации дека на Телеграм кружат линкови во кои се разменуваат содржини од овој тип.
„Линкови до групите често се дистрибуираат под етикетите „Тинејџери“ или „Мегалинкови“.
Кога истражителите побарале од Телеграм да го даде вистинскиот идентитет на човекот кој ги признал злосторствата, вклучително и силувањето, платформата одбила, се вели во документот.
После тоа, ОФМИН отвори истрага против Павел Дуров и неговиот брат Николај.
На 24 август, француската гранична полиција пријавила до OFMIN дека Дуров летал за Париз од Баку со приватен авион со лице за кое се верува дека е неговата девојка. Многу брзо по излегувањето од авионот, Дуров бил уапсен.
Испитување на Дуров
Кога станува збор за неговото апсење и однесување, се нагласува дека Дуров не се однесувал како човек во бегство.
Денови претходно објави фотографии од локациите каде што се наоѓа, а при распитот, според истражителите, покажал и знаци на подготвеност за соработка.
„Тој се бранеше тврдејќи дека Телеграм нема проблем да одговори на барањата на судот. Француските власти, рече тој, не поставувале прашања преку соодветни канали. Дуров додаде дека се сретнал со француската агенција за странско разузнавање (DGSE) во Дубаи, каде живее, „и дека бил во контакт со Агенцијата за внатрешна безбедност (ДГСИ) за прашања поврзани со борбата против тероризмот“, се посочува во анализата.
Тој беше официјално обвинет по шест точки, вклучително и олеснување криминални активности и одбивање да соработува. Дуров засега избегнал истражен притвор со оглед на тоа што платил гаранција од пет милиони евра.
Нему му е изречена забрана за напуштање на државата, но се чини дека тоа нема да му биде тешко на Дуров.
„Одлучи да ги искористи максимално своите проблеми. Неколку дена откако беше ослободен од притвор, беше забележан како газе покрај Шанзелизе. Облечен во црно, со капа и очила, Дуров изгледа ужива во шармот на Француска престолнина“, се заклучува.