Маслиновото масло има бројни здравствени придобивки и често се истакнува како симбол на здрава исхрана. Тоа е клучна состојка во медитеранската исхрана, која се смета за една од најздравите диети.
Според една научна студија, која ги анализирала нутритивните профили на 32 масла за јадење, маслиновото масло се издвоило на прво место благодарение на неговата најголема концентрација на хранливи материи.
Диететичарот Алекс Ларсон истакнува дека маслиновото масло содржи изобилство на мононезаситени масти, познати по нивните благотворни ефекти врз здравјето на срцето. Покрај тоа, тој е богат со антиоксиданси како полифеноли и витамин Е, кои помагаат во борбата против воспаленијата и оксидативниот стрес, главни фактори за развој на хронични болести.
Пет клучни здравствени придобивки од редовното консумирање маслиново масло
Маслиновото масло е богат извор на антиоксиданси и мононезаситени масти, но важно е да се разбере точно како му користи на телото. Откријте подолу неколку здравствени придобивки од редовното консумирање маслиново масло.
Го намалува холестеролот
Полифенолите и незаситените масти во маслиновото масло помагаат во зголемување на HDL (добриот) холестерол и го намалуваат ризикот од кардиоваскуларни болести, објаснува диететичарот Џенифер Ханес.
Промовира ситост
Додавањето маслиново масло во оброците, како што се салатите или зеленчукот, ја одржува ситоста и помага при контрола на тежината, а истовремено ја подобрува апсорпцијата на витамини растворливи во масти, објаснува Ларсон.
Го подобрува варењето
Маслиновото масло делува како благ лаксатив, го поддржува здравјето на цревата, ги зголемува добрите бактерии и го намалува ризикот од рак на дебелото црево, пишува Parade.
Го намалува ризикот од рак
Антиоксидансите во маслиновото масло го намалуваат воспалението, што помага во спречување на одредени видови на рак, како што се ракот на дојката, горниот респираторен тракт и на уринарниот тракт.
„Антивоспалителните својства на екстра девственото маслиново масло може да ги намалат симптомите на воспалителна болест на цревата, ревматоиден артритис и ризиците од дијабетес, срцеви заболувања и мозочен удар“, објаснува Ханес.
Го штити мозокот
Маслиновото масло може да го намали ризикот од деменција. Благодарение на неговите здрави масти и антиоксиданси, маслиновото масло го намалува воспалението, штити од когнитивно опаѓање и помага во ублажување на симптомите на депресија и анксиозност.