Поп-дивата Јелена Карлеуша со нејзиното влијание во светот на модата и музиката одамна ги надмина границите на овие простори, па сега успеа да оди чекор понатаму влегувајќи во историјата.
Светските модни магии ја почестија со покана како специјален гостин на модната недела во Париз , каде што таа како модел се прошета по пистата, рамо до рамо со најпознатите светски супермодели и холивудски ѕвезди , додека најголемите ѕвезди на денешниот шоу бизнис ја гледаа од предните редови.
Српската ѕвезда пред неколку месеци доби специјална покана од дизајнерот на еден од најпрестижните модни брендови Vetements, кој во последниве години стана незаменлив дел од гардеробата на стилските икони како Ријана, Канје Вест, Сем Смит, а кои беа одговорни и за костимите на поп-кралицата Мадона на нејзината последна турнеја.
Брендот Vetements, создаден од Гурам Гвасалија, еден од браќата зад брендот Баленсијага, се врати на модната сцена со спектакуларна модна ревија каде покрај Јелена Карлеуша, манекенката Георгина Родригез, сопругата на познатиот фудбалер Роналдо, актерка Марсија Крос, светски познатите топ модели како Натали Водијанова, Вини Харлоу, Валентина Ферер и многу други.
Во парискиот павилјон Камбон, првиот ред беше резервиран за некои од најпознатите личности од светот на модата, музиката и филмот. Меѓу своите амбасадори, брендот Vetements собира ѕвезди како Мадона, Ники Минаж, Карди Би, Кендал Џенер и други светски познати личности, а сега и нашата Јелена Карлеуша.
По тој повод Јелена пред неколку дена отпатува за Париз, но не сакаше да ја открие причината за нејзиниот престој во светската престолнина на модата се додека денеска блесна на пистата.
Модниот израз на ЈК одамна е познат и надвор од границите на Балканот, што го потврдува и оваа соработка. Креаторот минатата есен ја угости Јелена во Vetements HQ, каде што со месеци работеа на подготовките и монтажата за денешната модна ревија.
Јелена одлично се снајде на споменатата ревија, облечена во сив топ додека сите останати полудеа кога видоа што има на нејзините нозе.
Дивата носеше нежно црвена тренерка со бели акценти која се проширува на самиот крај, а изгледа погламурозно од кој било свечен фустан.
По ревијата на Vetements, Јелена ќе биде ѕвезда на ревијата на уште еден од моментално „најжешките“ нови модни брендови.
Она што сепак привлече внимание е секако заедничката фотографија со Вини Харлоу, која е една од најбараните светски супермодели.