Претседателот на Движењето Беса и еден од лидерите на ВЛЕН, Билал Касами, најавува дека ќе имаат свој кандидат за општина Кичево.
Според Билал Касами, постојат неколку опции, но за да се утврди кој ќе се натпреварува, ќе се следат одредени процедури.
Касами рече дека кандидатот што ќе помине во вториот круг за Кичево ќе биде оној од ВЛЕН. Постапката за утврдување на кандидати во другите општини е во тек.
„Во принцип, ВЛЕН ќе има кандидати во сите општини каде што Албанците се мнозинство, вклучувајќи го и Кичево каде што има неколку кандидати. Ќе се погрижиме да ги избереме најдобрите кандидати. Во координација со структурите, граѓаните и граѓанскиот сектор, вклучително и со агенциите што го мерат јавното мислење, ќе видиме кој кандидат ќе биде најдобар за Кичево. Веруваме дека тој кандидат ќе биде од ВЛЕН и ние ќе го поддржиме“, рече Билал Касами.