Арсенал денеска доби дефинитивна потврда за катастрофалната вест за повреда на централниот бек Габриел Магалхаес, кој се повреди против Фулам во вторникот вечерта.
Габриел го напушти теренот веќе во воведните минути од мечот поради повреда на грбот, а денеска беше потврдено дека ќе мора да оди на операција!
Така, актуелната сезона веќе заврши за Габриел и јасно е дека Микел Артета нема да може да смета за натпреварите со Реал Мадрид во Лигата на шампионите, но и за остатокот од сезоната.
„Габриел ќе биде опериран на тетивата во наредните денови и веднаш ќе започне со програма за опоравување и рехабилитација, со цел да биде подготвен за почетокот на следната сезона“, соопштија од Арсенал.
Габриел оваа сезона имаше вкупно 42 настапи за Арсенал во сите натпреварувања, постигна пет гола и имаше три асистенции. Заедно со Вилијам Салиба формираше одличен голмански тандем за Топџиите.