Американската актерка Кели Ментл, која гостуваше во ,,Модерното семејство” како драг-кралица во епизодата од 2019 година на Последната Ноќ на вештерките, го сподели своето искуство од работа со Софија Вергара за време на гостувањето во подкастот The Bald and the Beautiful со Трикси и Катја.
„Тоа не беше најпријатното искуство“, открила Кели.
„Таа беше груба кон персоналот“
Актерката ја опиша Вергара како „најгрубата славна личност“ што некогаш ја запознала и рече дека Софија се однесувала со својот персонал на „многу непријатен начин“ на снимањето и дека „доживеала нервен слом поради периката“. Ментл се присети на наводниот инцидент во кој Вергара се спротивстави на носењето шноли за да ја зацврсти периката.
„Во таа епизода таа носи перика и сакаа да стават шноли во неа, а таа им велеше дека не сака шноли“, рече Кели Ментл.
Според неа, тензијата ескалирала кога Ментл, кој требало да ја стави круната на главата на Вергара за време на една сцена, наводно случајно ја вознемирила актерката.
,,Требаше да и’ ставам круна на таа перика, таа почна да вика дека не треба да ја мрдам периката. Јас реков: „Па, девојче, требаше да ги ставиш тие шноли на главата“, се присети Кели.
,,Само ќе кажам дека можеби имала лош ден, бидејќи е забавна и убава, талентирана и прекрасна. Сигурна сум дека тоа беше лош ден”, заклучила таа.