Кејт Мидлтон неодамна направи исклучок и проговори за болеста со која се бори. Тоа се случи откако таа пропушти голем број кралски ангажмани поради нејзиното здравје.
Принцезата од Велс ја посети болницата Колчестер на 2 јули и ѝ откри на јавноста дека еден аспект од нејзиното здравје е „навистина, навистина тежок“.
Откако јавно откри дека ѝ е дијагностициран рак во март минатата година , истакнатата членка на кралското семејство примаше превентивна хемотерапија. Една година подоцна, 43-годишната принцеза сподели дека го завршила третманот и е на пат кон закрепнување.
Во октомври 2024 година, таа го направи своето прво јавно појавување со својот сопруг, принцот Вилијам, во посета на жртвите од нападот во Саутпорт.
Во јануари, таа го имаше својот прв независен јавен настап, а потоа ја посети Кралската болница Марсден во Лондон и потврди дека сега е во ремисија.
Пред неколку дена, на 2 јули, таа отиде во градината на болницата Колчестер за да засади „Катерина роза“ во поддршка на оние кои се опоравуваат од рак. Во таа прилика, таа зборуваше за влијанието што „фазата по третманот“ го имаше врз неа и сподели дека било „навистина, навистина тешко“.
„Се преправаш дека си храбра, глумиш стоицизам преку третманот. Третманот е завршен, си мислиш: „Можам да продолжам, можам да се вратам во нормала“, но всушност фазата потоа е многу, многу тешка“, откри таа.
„Веќе не сте нужно под грижа на клинички тим, но исто така не сте во можност нормално да функционирате дома како што можеби некогаш можевте. Мислам дека е многу вредно да имате некој да ви помогне низ тоа, да ви покаже и да ве води низ таа фаза што доаѓа по третманот“, рече таа.
„Мора да ја пронајдете вашата нова нормалност, а тоа одзема време… И тоа е како виор, не е мазно, како што очекувате.
Реалноста е дека поминувате низ тешки времиња “, заклучи таа.