Според странските медиуми, Ким Џонг Ун им забранува многу работи на луѓето што живеат во Северна Кореја.
Каков е животот во Северна Кореја, ќе ви ги покажат правилата што ги поставил тамошниот лидер, Ким Џонг Ун . Она што е вообичаена практика во остатокот од светот не е дозволено таму.
За да го заштитат своето наследство, одморите во странство, западниот начин на живот, одредени фризури, производите на Кока-Кола, производите на Епл, брзата храна, Библијата се само некои од работите што ги забрани севернокорејската влада .
Хигиенските влошки и тампоните не се достапни на севернокорејскиот пазар. Жените користат стари влошки за повеќекратна употреба кои ги перат по употреба.
Речиси е невозможно да се набави кондом бидејќи земјата ги забрани сите видови мерки за контрацепција.
Мажите мора да носат долги панталони, никогаш кратки. Жените смеат да носат само здолништа и панталони до колена.
Фармерките, пирсингот и „креативните фризури“ всушност се забранети со закон бидејќи го симболизираат американскиот империјализам.
Не е дозволено да се има коса под половината, да се имитира фризурата на Ким Џонг Ун и да се носи висока опашка со прамен преку челото и едното око, според „Дејли меил“. Не се дозволени маички, маички со странски натписи, торби преку рамо – дозволени се само чанти што се носат во една рака и ранци, како и тесни маички.
Широките панталони како оние во кои се појавува Ким, исто така, не треба да се носат. Од мажите се очекува да имаат кратка коса, додека жените имаат малку поголем избор – иако сè мора да биде во согласност со конзервативните стилови, лишени од каква било трага на бунт.
Традиционалната носија, позната како „Чосон-от“, често е потребна за официјални настани и јавни собири, бидејќи промовира чувство на национален идентитет и гордост во корејското наследство. Но, дури и надвор од церемонијалните пригоди, од граѓаните се очекува да се придржуваат кон униформни кодекси за облекување што одразуваат скромност и строгост.
Жените и мажите можат да избираат од 15 дозволени фризури. Оние кои носат нелегални фризури ризикуваат казна, вклучувајќи парични казни, принудна работа или дури и затвор.
Доколку сте турист, целиот ваш музички, телевизиски, филмски и пишан материјал ќе биде темелно проверен пред да влезете во земјата. Земјата нуди неколку телевизиски канали, од кои сите се под владина контрола. Меѓународните повици се кривично дело. Во 2007 година, човек кој остварил неколку меѓународни повици бил убиен.
Консумирањето марихуана е прифатливо и за разлика од повеќето земји, продажбата и консумирањето на дрогата не е казниво со закон.
Занимањето го избира владата, врз основа на потребите на земјата. Оние кои не се придржуваат се испраќаат на принудна работа. Граѓаните не можат да имаат исто име како сегашниот претседател. Секој што се вика Ким мораше да го промени своето име според закон.
Не се дозволени билети за концерти, Wi-Fi, спортски автомобили, западни списанија, новогодишни елки или други празнични украси.