Германското министерство за надворешни работи го повика амбасадорот на Кина во Берлин откако кинеската војска со ласери гаѓаше германски авион што учествуваше во мисијата ASPIDES на Европската Унија, соопшти Министерството во вторник.
„Доведувањето во опасност на германскиот персонал и попречувањето на меѓународна операција е целосно неприфатливо “, соопшти Министерството за надворешни работи на Германија преку социјалната мрежа X.
Засега не се објавени дополнителни детали за инцидентот
Настанот се случува во време на растечка загриженост во рамките на Европската Унија за влијанието на Кина врз клучните технологии и безбедносната инфраструктура низ цела Европа.
Европската комисија и кинеското Министерство за надворешни работи сè уште не го коментираа инцидентот, додека кинеската амбасада во Берлин не одговори на барањето за коментар.
Мисијата ASPIDES, предводена од ЕУ, има за цел да ја заштити слободата на пловидба и поморската безбедност, особено трговските и комерцијалните бродови во областите на Црвеното Море, Индискиот Океан и Персискиот Залив, како дел од заедничката безбедносна и одбранбена политика на Европската Унија.