Реткото прво издание на „Хари Потер и филозофскиот камен“, кое за малку ќе завршеше во ѓубре, е продадено на аукција за повеќе од 21.000 фунти, јавува Би-би-си.
Книгата беше продадена во Пејгтон, Англија, во саботата, со понуди од присутните понудувачи, како и преку телефон и онлајн.
Даниел Пирс, кој ја води аукциската куќа NLB Auctions, ја пронашол книгата меѓу предметите на починат маж од Бриксам, кој за малку ќе завршел во канта. Тој рече дека цената е „одличен резултат за првото издание со тврд повез“.
Ова е примерок кој е дел од првите 500 примероци и беше меѓу 300-те примероци дистрибуирани до народните библиотеки.
Пирс го препозна изданието по погрешно напишаниот збор „филозофски“ на задната страна, како и по некои други карактеристики.
„Нема буквата „о“ на крајот“, рече Пирс.