По шокантниот трејд кој ја потресе НБА, Далас се најде во големи проблеми. Ентони Дејвис заработи повреда набрзо по пристигнувањето, но маките не завршија тука…
Џејсон Кид не може да смета на друг центар, бидејќи Даниел Гафорд сега го чека подолга пауза.
Тој заработи повреда на натпреварот против Сакраменто при што го оштети коленото, а според пишувањата на американските медиуми ќе отсуствува најмалку две недели.
За потсетување, уште двајца кошаркари нема да можат да настапат поради повреди, 33-годишниот Канаѓанец Двајт Пауел и 20-годишниот Дерек Лајвли.
Инаку, навивачите на Далас му приредија пеколно добредојде на сопственикот на клубот Патрик Думон на натпреварот против Сакраменто. Поради трговијата со Лука Дончиќ, милијардерот заедно со генералниот директор Ник Харисон стана најомразената личност во Тексас.
Тој ја испрати клупската икона до Лејкерси во замена за шестгодишниот Ентони Дејвис и предизвика неопислив гнев кај навивачите на Мавс, кои пред мечот со Сакраменто јасно му ставија до знаење што мислат за шокантниот потег што го направи.
Целата сала се тресеше од свирежи кога Думон зеде збор. Иако се обидуваше да покаже дека тоа не го погодува, од неговото лице се виде дека не му е грижа.