Конечно, тој призна! Кога западните извори објавија дека Србија испраќа оружје во Украина, министерот за одбрана Милош Вучевиќ (сега претседател на владејачката Српска напредна партија, СНС) кажа дека тие не продаваат ништо на Украина.
Но, во интервју за Financial Times, Александар Вучиќ вели: „Дали е можно ова да се случува ? Не се сомневам дека тоа може да се случи. Која е нашата алтернатива ? Не го произведуваме оружјето ? Да не продаваме ? Јас не сум будала. Свесен сум дека дел од оружјето може да заврши во Украина“.
Неколку недели по почетокот на руската агресија врз Украина, дневниот весник The Washington Post објави дека непосредно пред инвазијата, американската Влада организирала посредници, приватни лица, кои патувале низ светот барајќи ги земјите кои имаат оружје од советско потекло и, уште подобро, кои сè уште имаат производство на такво оружје. Посредниците потоа би имале за задача да договорат купување на постоечки залихи и тековно производство, како на пример од српската компанија „Крушик“ да не продава оружје и муниција на официјален Киев, туку на компанија на американски посредник. Каде оди понатаму, не им е грижа. Затоа и министерот Милош Вучевиќ формално ја излажа српската јавност. Да, Србија не и продава оружје директно на Украина. Поради ова, имаше тензии со Русија, но дури и во Белград моќниот руски амбасадор Александар Бочан-Харченко мораше да се откаже бидејќи тоа беше предуслов Србија да не воведе санкции кон Русија до денес. Во оваа работа учествуваше и Бугарија, а моќната руска амбасадорка таму Елеонора Митрофанова не можеше да го спречи тој процес.
Фасцинантно е што косовскиот премиер Албин Курти не го вклучи овој факт во неговите планови да ги подигне тензиите со Белград. Започнувањето конфликт со Србија во време кога таа може да смета на поддршката од Западот бидејќи обезбедува витална помош за Украина е навистина дебитантска грешка со стратешки последици.
Мартон Дунаи, новинар на Financial Times, пишува: „Каналот преку кој српската муниција тече кон украинскиот фронт беше клучен фактор за забележителниот пресврт, така што Соединетите Американски Држави, НАТО и ЕУ ја поддржаа Србија во неодамнешното разгорување на етничките тензиите во Косово, според тројца западни дипломати во регионот. Александар Вучиќ сепак ќе каже дека Србија одлучила да одржи неутрална позиција“.
„Александар Вучиќ призна дека оди на работ меѓу Москва и западните сили, но кажа дека нема да им помогне на руските воени напори. ‘Се приклучивме на сите резолуции на ОН, кажа српскиот претседател, осврнувајќи се на резолуциите на ОН кои ја осудуваат руската инвазија на Украина во целосен обем“, додава новинарот во својата колумна.
„Се приклучуваме на забраните за повторен извоз, како што е технологијата со двојна употреба во беспилотни летала… Ние нема да бидеме центар за повторен извоз во Русија“, изјави тогаш Александар Вучиќ.
Тој додаде дека поминале деновите кога разговарал со рускиот претседател Владимир Путин на секои три месеци, истакнувајќи дека тој веќе една година не е во контакт со Кремљ освен што прима посетители од Москва. „Ова никогаш досега не се случило“, изјавил Александар Вучиќ, а пренесува Financial TImes. Тој не се осврнал во интервјуто и на Милорад Додик, претседателот на ентитетот на Република Српска во БиХ, кој неодамна беше во Москва каде што не го доби она за што дојде, поповолни цени на бензинот.
Овој говор на Александар Вучиќ треба да се гледа и во контекст на внатрешните српски превирања, кои сериозно му се заканија, иако сè уште нема политичка сила да го насочи општественото незадоволство кон политички промени. Со засилувањето, тој сака да им даде до знаење на демонстрантите дека успешно игра на страната на Западот, иако тоа донекаде ќе ги разбесни проруските кругови. Сега помалку го интересираат тие кругови. За возврат, тој им покажува колку е мудра неговата политика, со која успеа да ги привлече несомнените сојузници на Косово на своја страна.