Никој не може да и гарантира на Македонија дека ако сега го промени Уставот, нема да има повеќе пречки на европскиот пат“, изјави еврокомесарката за проширување Марта Кос, во интервју за Европската новинска агенција (ЕНР).
„Разбираме дека ова не е лесно прашање. Промена на Уставот. Разбираме, и тоа е многу човечки и разбирливо, дека вашата земја сака да има гаранции по се што помина. Не може да има гаранции, но она што го очекувам од сите земји-членки кога има билатерални прашања е разговорите да се водат со добра волја и со визија да се постигне компромис“, рече Кос.
Таа го потврди бугарскиот министер за надворешни работи Георг Георгиев, кој рече: „Многу е важно да се знае дека уставните промени и вклучувањето на Бугарите во Уставот како државотворен народ не е единствениот услов“.
Како што рече, тоа покажува дека ако има евентуална цел – ако се случат уставните измени и потоа се појават другите услови од европскиот консензус – тогаш некој може да каже „види, дали ви кажавме дека Бугарите немаат само една работа на ум“.
Кос истакна дека тоа не значи дека ЕК не работи за да и помогне на земјата да започне преговори, нагласувајќи дека таа лично е ангажирана за билатералното прашање со Бугарија и дека денеска заминува за Софија на средби со сите бугарски политичари, а потоа ќе контактира со политичарите во земјата.
„Би било подобро билатералните прашања да не се мешаат во процесот на пристапување. Ова не значи дека билатералните прашања не се важни. Знаете, можам да разберам дека Унгарија се бори за своето малцинство (во Украина). Можам да разберам дека Бугарија го прави истото, но лошо е кога тоа навистина се меша во процесот на пристапување“, рече Кос.
Таа изрази надеж дека наскоро ќе се најде решение за деблокирање на пристапниот процес на земјата и дека штом тоа ќе се случи, преговорите може да започнат без нови услови.
„Затоа велиме, ве молиме спроведете ги реформите и подгответе се да го отвориме првиот кластер“, рече еврокомесарот за проширување.
Кос истакна дека во сегашните околности целосно го разбира разочарувањето на луѓето во Македонија.