Психотерапевтот ја навел идеалната разлика во години помеѓу маж и жена за да преживее нивната врска.
Имено, идеално е да има разлика до три години, вели психотерапевтката Елоиз Скинер за Metro.co.uk. Причината е што двајцата сте во слични фази од животот.
„Поголема е веројатноста да имате усогласени финансиски очекувања кога станува збор за трошење, штедење и инвестирање, како и за здравје“, рече таа. Таа додаде дека истражувањата покажуваат дека нивото на задоволство од врската се намалува со текот на времето кај паровите со голема разлика во годините.
„Според истражувањата, паровите со голема разлика во годините можат да имаат потешкотии да се справат со брачните предизвици во споредба со паровите на слична возраст“, изјави таа. Меѓу посериозните предизвици што се јавуваат е основањето семејство.
„Ако едно лице е многу постаро, може да има проблеми со зачнувањето, несовпаѓање во стиловите на родителство и поголема веројатност детето да го изгуби едниот родител додека е сè уште релативно младо“, рече таа.
Таа додаде дека финансиското планирање, каде што едно лице се пензионира додека другото презема поголеми финансиски ризици, исто така може да биде значаен проблем.