Иако неодамна го прослави својот 60-ти роденден, нејзините фотографии на Инстаграм не можат да го докажат тоа…
Започна ново поглавје за легендарната Брук Шилдс . Актерката неодамна го прослави својот 60-ти роденден , а по тој повод направи и неколку фотографии.
Како што обично се случува во светот на познатите личности, таа веднаш ги објави на Инстаграм и собра голем број лајкови .
За оваа посебна пригода, Брук позираше во атрактивно црно бикини , а својот стајлинг го надополни со дискретни додатоци и белузлава шапка.
Костимот за капење ја истакнуваше нејзината завидна фигура , а многумина сè уште се прашуваат – како изгледа оваа жена на 60 години?
Таа не го криеше своето возбудување за новото животно поглавје , а насмевката на нејзиното лице беше забележлива.
„Се разбудив во рајот… и во нова деценија од животот“, напиша таа во описот на објавата. „60 години! Ви благодарам на сите за желбите за роденденот“, додаде таа.
Природен изглед без естетски интервенции
Во интервју за списанието „Гламур“, Шилдс отворено зборуваше за процесот на стареење. Таа призна дека се плаши од естетски процедури .
„Се плашам дека повеќе нема да изгледам како себе; кога примав ботокс,го добивав тој чуден изглед и си мислев: „Ова не сум јас“, рекла таа во тоа време.
„Но, правам третмани, пилинзи и сите најнови третмани. Едноставно не сакам да престанам да си личам на себе“, додаде таа.