Фудбалската репрезентација на Португалија се пласираше во полуфиналето на Лигата на нации откако по продолженијата ја совлада Данска со 5:2, додека во регуларното време беше резултат 3:2.
Беше многу интересен натпревар, а стрелци беа уште еднаш 40-годишниот Кристијано Роналдо , кој доби награда за влез во Гинисовата книга на рекорди пред натпреварот.
Имено, Роналдо доби признание за 132 победи во репрезентативниот дрес, што е најмногу во историјата на фудбалот.
Сепак, и покрај тоа што ја доби наградата, Кристијано имаше слаб почеток на реваншот од четвртфиналето на Лигата на нации, промашувајќи пенал во седмата минута. За негова среќа, но и за целиот тим, Португалија успеа да се пласира понатаму и во полуфиналето ќе игра против Германија, додека другата двојка се Шпанија и Франција.
Полуфиналните натпревари се закажани за 4 и 5 јуни.
🚨🏅 Cristiano Ronaldo has just received the Guinness World Record award for the most international wins in history with 132. pic.twitter.com/xfd0Loy46l
— Fabrizio Romano (@FabrizioRomano) March 23, 2025