Премиерот Албин Курти денеска потврди дека во договорот меѓу Косово и Србија за прашањето на исчезнатите лица е утврден терминот „насилно исчезнати“.
Курти рече дека правилната формулација на договорот на англиски јазик за исчезнатите лица е „насилно исчезната“, што на албански јазик во превод значи „исчезна со насилство, сила“.
„Ова е договорениот термин и е во содржината на договорот“, рече Курти, според кого, дури и кога има изјави за непронајдени, исчезнати или отсутни лица, секогаш се мисли на „оние кои исчезнале. Со сила.”
„Значи, изразот „насилно исчезна“ е израз на англиски кој веќе е договорен во Брисел“.
Запрашан од медиумите дали Косово го има подготвено нацртот за Здружението, премиерот рече дека прво заедно со вицепремиерот Бесник Бислими ќе ги анализира резултатите од средбата одржана во Брисел на 4 април.
„Тогаш ќе го одредиме патот напред за април, во чии рамки ќе има и средба на високо ниво“, рече тој.
„Уште еднаш нагласувам дека целиот договор мора да се имплементира, а во него имаме член, десеттиот, кој е за спроведување на претходните договори“, рече косовскиот премиер.
Но, Курти рече дека како итно прашање во анексот за имплементација што е договорен во Охрид, тоа е токму прашањето за исчезнатите од војната, поточно на насилно исчезнатите.