Договорот „Моќта на Сибир 2“, проект за транспорт на гас од Западен Сибир до Кина преку Монголија, се дискутираше долго време, а од почетокот на војната во Украина, тој стана симбол на едностраниот и донекаде навредлив однос помеѓу Кина и Русија, што не е добра вест за Кремљ.
Ваквиот став на Кина беше забележан и при неодамнешната посета на претседателот Си Џинпинг на Москва, а западните аналитичари предупредуваат дека Си има своја мисија односно – да го стави богатството на Сибир под кинеска контрола.
Пред неодамнешната посета на кинескиот претседател Си Џинпинг на Русија, претседателот Владимир Путин објави дека договорот за гасоводот е подготвен за потпишување, предвреме нарекувајќи го со зборовите – „договор на векот“, но сепак кинескиот претседател одби да потпише. Во изјавите што можеа да се слушнат за време на неговата средба со Владимир Путин, Си Џинпинг воопшто не го ни споменал проектот „Моќта на Сибир 2“. Во последното заедничко обраќање, разочараниот Владимир Путин кажа дека треба уште да се работи на „проучување и одобрување“.
Прошталните зборови на Си до Владимир, кои се однесуваат на – „промени кои не се видени со векови“, може да се разберат во овој контекст: Кинеските аналитичари ја анализираа неговата порака, но јасно е дека Си се претстави како водач на „ревизионистичкиот напад врз либералниот светски поредок“, со Владимир Путин на негова страна.
Визијата на Пекинг за 100-годишнината на Народна Република Кина во 2049 година е глобален триумф на развиена, богата и моќна Кина, а тоа не вклучува споделување со Русија, пишува во својата анализа британскиот весник The Telegraph.
Со оглед на тоа што кинескиот режим добива голем дел од својот легитимитет од овие реваншистички кампањи, плаќањето на Владимир Путин за сибирските ресурси функционира како купување сребро од ограбувачите, велат аналитичарите.
Прекуграничните активности во Сибир веќе премолчено ги оживуваат историските претензии на Кина кон овој стратешки регион богат со ресурси.
Нападот на Владимир Путин на Украина можеби му ги сврте погледите од руската граница со Кина долга 4.200 километри, но Кинезите останаа фокусирани. Амбицијата на Си Џинпинг за „големото подмладување на Кина“ и се наметнува на Русија, чекор по чекор, стои во анализата на весникот.