Данскиот напаѓач Расмус Хојлунд летово му се приклучи на Манчестер Јунајтед. Младиот 20-годишник пристигна во клубот за астрономската цифра од 75 милиони евра, и веднаш ја доби задачата за прв напаѓач на клубот.
Во дебитантската сезона за Манчестер Јунајтед, тој беше пречекан од тим кој моментално нема дефиниран стил на игра, а како резултат на тоа, Данецот не добива доволно можности за постигнување голови како во друг елитен клубови во Европа. И покрај тоа, тој успеа да постигне седум гола во сите натпреварувања, а сега во медиумите се појавија шпекулации дека тренерот Ерик тен Хаг сака да донесе постар и искусен напаѓач за да го олесни товарот на младите надежи на клубот.
Карим Бензема, поранешен долгогодишен играч на Реал Мадрид, одлично се вклопува во оваа равенка. По само неколку месеци во Саудиска Арабија се појавија првите проблеми за Французинот кој не се најде на списокот на Ал-Итихад за претстојните подготовки на клубот. Токму затоа англиските медиуми тврдеа дека Карим Бензема би можел да замине на „Олд Трафорд“ на шестмесечна позајмица, а со тоа да му помогне на холандскиот тренер во обидот да ја спаси оваа историски лоша сезона за „Црвените Ѓаволи“.
Со неговото доаѓање, Расмус Хојлунд сигурно би добил големо драгоцено искуство од еден од најдобрите напаѓачи во светот, додека Карим Бензема би можел да ја оживее својата европска кариера во еден од најголемите клубови во светот.
Карим Бензема одигра 24 натпревари за Ал-Итихад на кои постигна 15 гола. За неговите услуги наводно е заинтересиран и Челзи, па постои реална можност до крајот на сезоната да го видиме Карим Бензема во Премиер Лигата.