Кошаркарите на Далас победија на гостински терен во вториот натпревар од финалето на Западната конференција.
Мавси сега имаат водство од 2-0 во серијата против Минесота, а вториот натпревар во Минеаполис го добија со 109-108 благодарение на неверојатниот Лука Дончиќ и тројката во последните секунди од натпреварот.
Минесота имаше 12 поени предност на полувремето, а имаше и 18 поени предност, но тоа не беше доволно за да избегне драматичен финиш.
При резултат 108:106 за домаќинот, Далас имаше напад, а Дончиќ веројатно не ни помислил да ја додаде топката некому. Со помош на Дерек Лајвли, Словенецот изнуди преземање во одбраната на Минесота, оставајќи го пред себе Руди Гобер.
Тој е одличен дефанзивец, но Французинот е висок играч кој не можеше да ги следи дриблинзите на Дончиќ.
Лука не сакаше да оди на пенетрација или да се бори за малку полесен шут за два поени и сигурно продолжение, туку шутираше и погоди тројка.
Минесота имаше уште три секунди во нападот, а Наз Рид промаши тројка за победа.
Дончиќ натпреварот го заврши со 32 поени, 12 асистенции и 10 скока. Најголема поддршка имаше во формата на Кајри Ирвинг, кој постигна 20 поени со шест асистенции и четири скока.
Во поразениот тим најефикасен беше Рид со 23 поени со шут за три од 7-9. Ентони Едвардс постигна 21 поен.