Завршувањето на врската не секогаш значи затворање на вратата. На некои луѓе им е тешко целосно емотивно да се одвојат од поранешните партнери, дури и кога се свесни дека врската повеќе не е иста. Враќањето кај поранешниот не е нужно знак на слабост – често се работи за желба да се затвори кругот, неизгаснати чувства или надеж дека работите можат да бидат подобри овој пат. Во астрологијата, постојат знаци на кои им е особено тешко да го испуштат минатото, особено кога станува збор за љубовните врски. Според ѕвездите, луѓето родени под овие три знаци најверојатно ќе се вратат заедно со поранешните.
Рак
Раковите се длабоко емотивни и се приврзуваат кон луѓето со голема доза на нежност и лојалност. Кога сакаат, сакаат искрено и тешко го прифаќаат крајот на врската. Честопати им треба долго време емотивно да продолжат понатаму, а спомените и заедничките моменти остануваат со нив долго по раскинувањето. За нив враќањето кај бившиот не е знак на слабост, туку израз на надеж дека она што го имале сè уште може да постои. Нивната носталгија и потребата за блискост често ги враќаат кај луѓе кои не ги преболеле целосно.
Вага
Вагите не поднесуваат конфликти и раскинувања, а крајот на врската често е болен за нив, без оглед на околностите. Тие тешко се помируваат со нерамнотежата што ја носи раскинувањето, па често чувствуваат потреба да ја „поправат“ врската, дури и ако тоа значи враќање на старите обрасци. За Вагите, враќањето заедно со бившиот е обид повторно да воспостават хармонија и да ги затворат отворените прашања. Тие често ги идеализираат минатите врски и веруваат дека се може да се реши со доволно волја од двете страни. Нивната склоност кон компромиси може да ги врати назад дури и кога тоа можеби не е најдобрата одлука.
Риба
Рибите длабоко доживуваат емоции и често остануваат поврзани со поранешните партнери преку спомени, соништа и надежи. Дури и по раскинувањето, тие можат да чувствуваат силна емпатија за личноста што ја сакале и веруваат дека втор пат можеби е вистинскиот. Нивната романтична природа има тенденција да бара значење и знаци, поради што лесно се враќаат на старите приказни. Рибите често даваат втора, трета, па дури и четврта шанса бидејќи веруваат дека вистинската љубов заслужува шанса. Иако понекогаш се свесни дека повторувањето не води никаде, сепак нивните емоции владеат.