Мадона носи бројни одлуки благодарение на хороскопот, а поради тоа што не поднесува еден хороскопски знак, таа дури одбива да вработи луѓе кои се родени на овој датум.
На некои луѓе хороскопот им е исклучително важен, а одредени чекори во кариерата и животот ги засноваат токму на астрологијата, а ни познатите личности не се исклучок. Познато е дека, на пример, Џенифер Лопез не може да ги поднесе Девиците, а една од оние кои исто така управуваат со нивните одлуки според зодијакот е Мадона .
Познатата пејачка, според странските медиуми, има големи предрасуди за еден хороскопски знак, толку многу што никогаш нема да соработува со нив, освен ако не ја „измамале“, поради што одредени вработени дури морале да лажат за да не добијат отказ.
Ова го откри продуцентот, режисер и сценарист Рајан Марфи. Тој призна и дека за да работи со Мадона, лажел за својот роденден. Имено, Марфи дознал дека Мадона не соработува со луѓе родени во знакот на Шкорпија. Затоа, Марфи, кој е роден во овој хороскопски знак, морал да излаже кога пејачката го побарала датумот на раѓање за да се согласи да работи со него.
„Отлетав за Њујорк и во лифтот во нејзината соба, еден од нејзините колеги ме праша кога сум роден “, рече Марфи. Тој беше малку збунет од прашањето, но продолжи со разговорот.
„Бев изненаден од тоа прашање, а тој потоа го повтори. Му одговорив дека сум роден на 9 ноември, а тој ме праша: „Дали си ти Шкорпија во хороскопот?“ Му реков дека сум, на што тој ми одговори дека ни случајно не го спомнувам тоа пред Мадона затоа што тогаш нема да ме вработат. Го прашав: „Што зборуваш?“ А тој потоа ми рече дека не знае ништо повеќе од тоа, но да не спомнам дека сум Шкорпија и да измислам друг датум“, разкажа Марфи.
Тој се убедил дека приказната не е измислица кога Мадона го прашала за време на едно интервју кога се родил.
„И кажав дека сум роден на 3 септември, кога е роденден на мајка ми. На што таа ми одговори: „Ох, добро е, ти си Девица.“ Додека се симнав во фоајето, таа веќе имаше одлучено и јас ја добивме работата“ , рече Марфи.