Патник на Uber беше смртно застрелан низ прозорецот на неговото возило на станица во Дизелдорф во четвртокот, а потрагата по осомничените напаѓачи е во тек.
На местото на злосторството, истражителите пронајдоа француски пасош што и’ припаѓа на жртвата. Сепак, Билд дознава дека се работи за фалсификат.
Според информациите на германските медиуми, во пасошот пишувало дека убиениот имал 35 години, но полицијата претпоставува дека всушност жртвата е 49-годишник од Камерун.
До оваа информација дошле во текот на постапката наречена „Брза ИД“ за проверка на идентитетот. Камерунецот се бара во Германија за неколку кривични дела измама, вклучително и фалсификување.
Јавниот обвинител Маркус Клајн потврди дека жртвата била илегално во Германија. Според прелиминарната истрага, жртвата претходно се скарала со три непознати лица пред хотел во Дизелдорф.
Наводно, тоа биле фалсификувани пари. Човекот потоа влегол во Uber. Возачот тргнал и застанал на црвено светло во близина на хотелот. Луѓето со кои се расправал се стрчале кон автомобилот.
Сведоците тврдат дека виделе тројца мажи како се приближуваат до запрен автомобил. Се вели дека најмалку еден од нив пукал низ прозорецот од совозачката страна. Полицијата откри неколку чаури од пиштол во автомобилот кои ќе помогнат во идентификацијата.
Службите за итни случаи се обиделе да го реанимираат Камерунецот, но тоа било залудно. Набргу потоа форензичарите го прегледаа местото на злосторството и обезбедија докази.
Возачот на автомобилот не е повреден, но е во шок. Пребарана е и хотелската соба во која била сместена жртвата. Сè уште се трага по сторителите кои се во бегство.