Една жена останака вчудоневидена кога нејзиниот сопруг се обидел да ја убеди да му дозволи да го сними раѓањето на нивното бебе – но таа била против тоа од многу различни причини.
Кога ќе се породите, веројатно сакате некој близок за морална поддршка. Тие ќе бидат рака за држење, поточно стискање, а вие би сакале да слушнете утешни зборови додека трае пораѓањето. Но, оваа жена не го сака нејзиниот сопруг при раѓањето на бебето, бидејќи тој побарал да го сними доаѓањето на нивното бебе, а таа е апсолутно против тоа. Таа е исто така загрижена дека тој ќе направи збркотници ако не му го дозволи тоа.
Една жена на Редит објаснила дека чека бебе за неколку недели и нејзиниот сопруг сака да го сними процесот на породување.
– Веројатно ќе бидам во голема болка и со рани и крв, и не сакам никој да ме гледа таква. Не сакам мојот сопруг да ме снима затоа што не знам како сето тоа би изгледало на камера. Се чувствувам лошо поради тоа и веќе му реков дека не сакам – истакнува жената, но вели дека проблемот е што видеото му е навистина важно и прилично и се налутил, бидејќи сметал дека тоа е непочитување на неговата голема желба – да има спомен од раѓањето на детето.
Сериозно размислува да не го пушти во породилна сала доколку не ја прифати нејзината одлука да не ја снима.
– Дали грешам? – бара мислење од другите. Многумина коментираа, за да ја убедат идната мајка дека снимањето на породувањето е „сериозно нарушување на приватноста“ и дека сопругот треба да прифати дека „не“ значи „не“.