Францускиот претседател Емануел Макрон разговараше за ситуацијата во Газа со турскиот претседател Реџеп Таип Ердоган.
„Тукушто разговарав со претседателот Ердоган за ситуацијата во Газа и перспективите за конференција за решение со две држави. Сè мора да се направи за мирот и безбедноста
на Израелците и Палестинците “, рече Макрон во изјава на турски јазик на неговиот профил на Платформа X.
Az önce Cumhurbaşkanı @RTErdogan ile Gazze’deki durum ve iki devletli çözüm konferansı perspektifi hakkında görüştüm. İsraillilerin ve Filistinlilerin barış ve güvenliği için her şey yapılmalıdır.
— Emmanuel Macron (@EmmanuelMacron) July 26, 2025
Макрон претходно оваа недела објави дека Франција ќе ја признае државата Палестина во септември на заседанието на Генералното собрание на Обединетите нации, кога објави писмо што го испратил до претседателот на Палестинската самоуправа Махмуд Абас, во кое ја потврдува намерата на Франција да стане првата западна сила што ќе ја признае државата Палестина.
Вчера, Макрон разговараше со британскиот премиер Кир Стармер и германскиот канцелар Фридрих Мерц , по што тројцата лидери истакнаа дека ситуацијата во Појасот Газа е „ужасна“.
Тројцата лидери се согласија тесно да соработуваат во спроведувањето на планот, кој ќе „го отвори патот кон долгорочно безбедно решение во регионот на Блискиот Исток“.